“凡見物棄于地,莫問何也,當先拾之,而後始論其為草介抑珍寶。”
筆記翻譯:「地上見到唔理係咩都好,執左先講 。唔執唔知腰骨好,執左先知草定寶。」

——《竊惠寶典》第一章.第二節





🈲 二、




  呢一排,係各大商場見到d魔童好鍾意玩一隻叫プリパラ既驚,d卡包賣到劏房咁貴,而且伏到應一應。
  但有好多大小朋友甚至家長,唔介意價錢,不斷仆倒咁去課金。幫襯官方既又有,私人交易的都有。

  直覺告訴我這可能是一門商機呀,好奇之下,我去做左一下資料搜集。於是這幾天下來,房間書桌牆上的松木告示板上,釘滿了有關プリパラ的資料。
  遊玩和潛入方法、內部架構地圖、當紅偶像的照片……還有一些我自己寫下了摘要的便條。(其一張寫著:偶像間最常見的打扮——粉紅色系的各種雙馬尾 + 粉紅色系隱形眼鏡)

  經我詳盡既research同分析後,整理出這區プリパラ的基本脈絡:
  這個圈子很雜亂,on9同小學雞特別多,亦都有好多冇料到既人,隨便拋個身出黎就成功搏上位,吸引到成九條街既迷妹迷弟做自己既護主犬。

  果然人不要面,樹不要皮,是永恆的生存法則。我敢肯定,プリパラ是個大水池,可以釣到不少好魚呢。
  我決定要去玩玩,但唔課金既話,點先可以r到プリチケ呢?嘖嘖……



【入プリパラ前的準備工夫】

1. 最緊要帶條紫菜同BB超能膠,癡住頭頂個名。
2. 黑超,以備需要隨時遮樣,帶多兩副重可以轉look。
3. 口罩,扮感冒,基本作用同上。





【場景一】

(幼女A拎住一大本卡簿,因為卡沒放好,一打開一堆卡片掉到地上。
她彎下身去執卡的同時,有個綁著粉紅色卷卷雙馬尾、粉紅心心眼既女仔走埋黎,一腳踩住左幾張跌得較遠既卡……)

幼女A:「姐姐妳做咩踩住我d卡呀……」
🈲:「邊個話係妳架?d卡係我既!(馬上拾起)」
幼女A:「係我跌架……」
🈲:「我見唔到係邊個跌架喎!妳有咩證據話係妳架?上面寫左妳名?」
幼女A:「係我架!哇呀呀……(跺腳 + 喊)」

(此時,幼女A老母從遠處回來)

老母:「發生咩事呀?做乜喊既?」
幼女A:「有人搶我d卡!(指著想離開的女孩)」
老母:「妳做咩蝦我個女!!!」
🈲:「d卡我係地下執既,妳個女老屈我搶野就真!冇d家教,哼!」

(騙徒說完馬上溜之大吉,老母無奈。)



【場景二】

🈲:「(同個幼女B講)可唔可以借妳本卡簿睇呀?」
幼女B:「好呀……」

🈲:「(偷偷拎手機對住QR影影影)」
幼女B:「妳做咩呀……(懷疑眼)」
🈲:「哦我check下有咩係我想要架之嘛……我地換卡好唔好?(指住對方張藍色CR)我想換呢張!」

幼女B:「……(諗)」

🈲:「你鍾意粉紅色嗎?我有好多張粉紅色既卡,我用五張同你換一張!係咪好抵先!好唔好?」
幼女B:「真架?嗯……咁好啦!」

(騙徒成功用五張R/N卡,換左幼女張CR返黎。幾日內,佢重覆用呢個好cheap既手法呃細路,成功率都有五成。)




-待續-
19/05/2018



———————————————


admin:::

新角就係出黎派膠既。
佢無限轉樣 + 寫到有幾cheap得幾cheap都唔會ooc,爽。


留言

    发表留言

    (编辑留言・删除時に必要)
    (只对管理员显示)



    最新文章