🈲 五、




  最近d妹好似好興呢個造型:粉色系大卷曲雙馬尾,跟同色系隱形眼鏡(即係藍髮就用藍眼、紅髮就用紅眼 etc. )。
  見好多偶像都跟住用,咁我又用下先。將之前主流個卷雙wig梳幾梳、拉兩拉、凳鬆d,再gel下pat瀏海……就成為這新髮型了!(閃)
  而且,當然要繼續用 all pink 啦哈哈哈……方便掩人耳目隱藏身份嘛——。

  哇果不其然,一入pp就撞到個差唔多樣既妹!都話呢個髮型走在潮流尖端!唯一(?)的分別,就是我用痾兵粉紅色,她配痾bu淺藍色。
  事不宜遲,馬上走去搲下佢先,試一試這個妹好不好騙。




【下開上帝視覺的神棍走漿糊小劇場
感謝以下featuring的親友家小伙伴:Iroha, Tsunagu, Seiha】


  問號人 = 神棍一個箭步竄上前:「哇妳好呀!我地個look好相似呢,一pink一blue簡直是雙子!難道這就是傳說中『有緣的撞樣』?」
  Iroha眉頭一皺,望向對方頭頂癡住塊問號牌,睇唔到名,非常疑惑:「妳乜水呀?」
  問號人答:「哦,其實我叫Jewlie呀!可能是系統有bug,才顯示不了我的名字。不如我地交換友卡丫!」

  「嗄??」 打個名都出到bug?唔係化?「是咪Jewlie呢個名太多人用,搞到個名連顯示都出bug呀?」
  明明頭先都算空氣清新,唔知點解條友一出場就成陣膠味飄埋黎。(唔知讀者隔住個mon又聞唔聞到呢)他不過係等隊友黎開live咋,咁都時運高遇著ky的搲fd怪人……

  另一邊廂,神棍心諗,超!就係因為呢個名多人用先揀呀!
  不過聽此人的口氣,似乎不是無腦的妹,而是智力在水平線以上的正常人,睇黎冇咁易搲。
  「可以同咁多人撞名都係一種緣份黎,我唔介意啊而且好開心添!」神棍決定試下搲多次,確認這人是甚麼料子:「你還未答我可不可以交換友卡呢?」

  Iroha一睇就覺得呢個人相當有嫌疑,仲要成陣膠味濃過公廁空氣清新劑,完全唔想同佢交換友卡囉。
  「我唔係咩巨巨大大,同我換友卡冇咩用架喎。成條街都一個樣,咁妳不如去同d同樣的巨換友卡好啦。」 還附帶一句:「不過妳搲個時因住俾人屌到屎忽開花呀,尤其係d巨巨,樣名是但撞佢一樣都係死罪黎!」

  神棍表示驚奇,語氣一變,瞬間解除了搲 fd mode :「嗄,咁你又唔怕會有巨巨屌你?」雖然老娘驚都未驚過,心想。
  「我一直用開呢個髮型配藍色,我鐘意點打扮關其他三唔識柒既人L事咩。」

  他似乎還有下半句要補充,但此時有誰輕輕叫喚佢~~:「Iroha!」
  兩個女孩走到他身邊,原來是他的兩位隊友Tsunagu和Seiha。太好了有人來打救佢啦!唔洗再應酬個騎呢甲!
  神棍向Iroha背後望去,一名是外貌較成熟的白髮美人;旁邊的女生看上去年紀比她小一點,髮型係之前曾經hit過一排的、淡色系雙丸子卷髮!不過還好她是淺綠髮色,唔至於排頭一格公廁。


  Tsunagu:「Iroha與那位閣下是相識嗎?」
  Iroha回應Tusnagu: 「唔係,只係個唔知邊度彈出黎的路人搲fd怪。」 然後向神棍吐番頭先未講出口句話:「家下d人好惡架,個L個都以為自己是大大全世界都識佢。我就真係識佢老鼠,夠膽咪帶兵討伐我囉,我先未驚過。」
  講完後神清氣爽的Iroha決定走人,既然人都到齊,冇事仲同騎呢甲講咁多托柒咩?不如快d上台開live好過。

  瀟灑地轉身的時候,兩把又長又厚的馬尾仲「發」左落神棍塊面上 (兩次XDDD) ......
  Seiha:「Iroha最近心情煩躁,所以語氣比較重,希望妳別介意ERU......」
  Tsunagu:「在下的隊員似乎有點失禮了,若有冒犯,還請閣下包涵。」

  兩位隊友臨走前特別咁強調,白髮小姐姐重躬身致歉,睇到神棍O嗱哂嘴,呢鑊真係難分曲與直呀。




【おまけ】


  小天使ver.的Chloé醬路過,一望見神棍即指住佢尖叫:「啊!!!妳抄我配色ar!」
  哇,話口未完就有人黎屌佢撞配色?炒車速度重快過小明。

  想當然爾神棍睬佢都有味:「妳擘大眼睇清楚先啦!周街都係呢個配色喎,要鬧就鬧埋其他人!」
  「嗄~~~?!唔制ar!我唔理!妳快d同我轉樣!!😠」
  「癡孖筋。」

  神棍懶型咁轉身掉頭走,兩條大卷辮子先後啪、啪……兩下,抽到Chloé臉上,造成 -1 -1 的傷害combo (ry ——完美重現剛才她被Iroha攻擊的場面。

  遇襲的幼女滿肚子委屈……回家後,她在埃豬發了一個問答限時動態:
  『我懷疑有人抄我配色,大家點睇🤔😠』






-打和啦super-
25/04/2019



——————————



admin:::

多謝Iroha全隊客串 + 他們親媽同我接龍寫這篇 (adore)
跟據pp圈風氣,好可能會有其他幼女9衝入Chloé個限時動態,屌佢撞自己配色or樣然後大混戰 (花生.jpg)
繼續打和啦super~~~~~

p.s. 附上神棍目前為止正式出過街既假樣(##



#我霸左好多個look #不過我冇唔畀人用架 #其實我都唔知自己是咪第一個用 #炒車都冇所謂是L但啦


留言

  1. 神級偶像Jewlie | -

    啊你撞我名呀!(大聲指住神棍)
    仲有你撞我配色呀!!(指向Iroha)
    我最雷被人撞名,配色都係(唔同眼型都計)
    [Jewlie_kami_idol.jpg]
    圖度係我最早公開人設既日期
    除非你地證實到用先過我,唔係唔該你地地快d轉走呢個樣呀!!!

    ( 01:50 )

  2. 頂級偶像Jewlie | -

    你地全部撞我名,我最早開

    [jewlie_fc.jpg]

    只係我唔得閒刷機台先未上神級,但我差幾鋪就得
    你地快d del左個acc改名唔你我就紅哂你地

    ( 01:56 )

  3. 神級偶像Jewlie | -

    >>藍色卷雙髮偶像
    我有打女神比賽,可能係全杏城第一個拎藍水滴眼既偶像,所以你遲過我就你撞我
    >>頂級偶像jewlie
    你睇清楚先wor
    [fc_jew_mar20.jpg]
    我唔識你,又快過你升神級,個時發過友曲冇人出聲,你又私人帳咁我點知呀?
    真係差幾舖至好呀,升左神級先講啦你

    ( 02:11 )

  4. 路人(樣名已轉的神棍) | -

    阿Jewlie同Jewlie 茶實你地係乜水
    唔識你地啊 冇人想知啊

    ( 02:17 )

  5. Iroha | -

    (不屑回應)心諗:JM9。小學雞私怨自己出馬路解決啦,冇人想俾你地洗板囉

    ( 02:24 )

  6. Chloé | -

    呆望住一堆巨巨內心OS:你地夠撞哂我兩隻配色啦...唔係佢地高級過我,我都叫你地轉囉...(委屈扁嘴仔)

    ( 02:39 )

  7. 眼鏡姐 | -

    哇睇呢度幾多撞樣名配色既有緣人聚首,好符合呢一集既標題呢。
    みんな友達、みんなアイドル,不如你地be個fd子啦,還可以馬上組隊live呢!

    ( 10:56 )

  8. mayubelle | -

    睇到火都黎🙂🙂🙂

    ( 11:27 )

  9. 路人(樣名已轉的神棍) | -

    Re: 无标题

    > 睇到火都黎🙂🙂🙂

    ???
    咦又多左個唔識既人黎圍觀,觀望下先睇下可唔可以搲(??)

    ---

    admin:::
    您好,雖然不知道您是誰
    係既個圈咁亂睇到都火 (facepalm)

    ( 16:08 )

  10. Aoi | -

    撞樣好正常
    係討厭d雙標怪(攤手)

    ( 16:24 )

  11. 澄子 (admin) | -

    Re: mayubelle

    > 睇到火都黎🙂🙂🙂

    啊,忘了謝謝您留言,請問要怎樣稱呼您?
    歡迎以後多來玩XD

    ( 22:40 )

  12. 澄子 (admin) | -

    Re: Aoi

    > 撞樣好正常
    > 係討厭d雙標怪(攤手)

    你又幫我推po wwwww
    excat79y

    ( 22:41 )

  13. 路過圍觀的女高生mayu醬 | -

    撞樣名真係杏城pp界日月恆久topic黎,講一萬光年都未完呀!
    呢種話題冇乜調查價值添,我都係去第度進行課外活動啦~

    ( 23:13 )

  14. 澄子 (admin) | -

    Re: 无标题

    > 撞樣名真係杏城pp界日月恆久topic黎,講一萬光年都未完呀!
    > 呢種話題冇乜調查價值添,我都係去第度進行課外活動啦~

    你會唔會出個續集www

    ( 13:19 )

  15. 咸魚 | -

    Re:澄子

    >會唔會出個續集www
    Well睇心情啦
    一係黎傾下劇情你有冇仔女可以客串下啊www

    ( 22:03 )

  16. 咸魚 | -

    Re:mayubelle

    > 睇到火都黎🙂🙂🙂
    係囉個圈咁亂搞到我同小伙伴一齊火都黎,於是激發到靈感,創作左呢篇地圖砲抽水文xddd
    多謝路過入黎留言,我地寫既野有人睇真係好開心,歡迎多d黎玩呀!!

    ( 22:18 )

发表留言

(编辑留言・删除時に必要)
(只对管理员显示)



最新文章