!!! 𝗪𝗔𝗥𝗡𝗜𝗡𝗚 !!!
此CP充滿地味感,內文90%粵語注意。



———————————————



Intro:

😙:「一日最衰都係你,搞到我識唔到女朋友。」
➰:「吓?關我乜事?」
😙:「個個都以為我同你搞基,唔鍾意女仔呀!」
➰:「屌,首先,我就算搞基都唔會搵你;第二,你搞唔搞基都唔會識到女仔啦!咁嘅款!」



* *



😙 001.




01. 回到高中一年開學第一天。



  「「吓,乜又係你!」」
  兩把聲音同步同頻,在校舍門前響起。
  身邊都是紛紛擾擾地尋找自己課室的同學們,操場上傳來前輩們為各自的部活招生的呼號……

  「都好嘅,有個識嘅人我安心好多!」黑髮少年上前搭上對方的肩,還吹了聲口哨,笑逐顏開。

  另一位挑挑眉,搖搖頭,别在右耳的一排耳釘閃了一閃。
  「你隻屎波……由幼稚園到小學到初中,依家高中喇,你都跟實我唔放(同校)……你究竟係咪暗戀我?」

  「咩呀,明明係你個招積怪癡住我!不過我都知我魅力沒法擋,唔怪你……」
  說時,口哨男裝模作樣地一撥瀏海,耳釘男隨即伸手毫不客氣地搗亂口哨男的髮。

  「慳d啦你,有魅力就唔會連女仔手都未摸過。」
  「頂!你、你咪一樣,到依家都未拍過拖!」口哨男似乎被戮中痛處,表情都癟了。「總之……我的人生才剛開始!高中畢業前、我一定要交到女朋友!(用力握拳)」
  「好好……喂,話時話你睇左分班表未?搵咗課室先!」

  二人來到走廊的報告板前,在密麻的名單中搜索自己的名字。

  Bosco Li - 1C
  Patrick Chiu - 1B

  「招積怪在1B,我在1C……」口哨男裝模作樣地嘟起親親嘴:「真可惜呦,積積你不要太想我喔!」
  耳釘男一手指篤到好友面豬上:「咪啜過黎呀死佬!核L突!」





02. 前一晚在Patrick家裡打電動兼過夜。



  「哇,唔小心瞓過籠,遲到啦遲到啦!」
  「喂!你唔好見衫就著!果條校服褲係我架!你著返你自己果d!」
 
  Patrick出盡全力,將一團皺巴巴的衣物砸到Bosco臉上。
 
  「有咩所謂,都一樣啫!你著我果套都得啦!」
  「唔X要啊!你堆衫咁撚臭!」
  「屌,你條褲咪一樣有臭味!」
  「唔夠你臭!」





03. 我的東西在哪裡?
(註:此為目前的時間點——高中二年。)



  某場Recess時。

  「仆街……我份英文note屎去左邊?唔想一陣畀 Ms Jane 罰作句呀……」一於去隔離班問下積積有冇帶,問佢借黎頂住檔先。

  就在Bosco正要踏出課室門口之際,他想找的人居然迎面在門前出現了。
  「喂,你的東西。」Patrick把一疊文件摔到Bosco胸膛。

  Bosco接過一看,正是他緊急需要的英文課筆記,而上頭寫著他的名字。
  「哇唔該哂積積!救我一命!」

  「可摸耳唔好成日漏野係我屋企!書包已經夠重唔想帶多份你嘅野!再有下次就由你畀Miss罰!」
  Patrick積按住Bosco的額,推開後者欲張開雙臂撲過來的熊抱。

  「仲有呀,唔該你放學後上去(我屋企)的返走你條麵O超人奀打,著過成陣除我唔想掂!」

  與Bosco同班的Nicklas同學聽到,不禁錯愕,驚異,繼而斜眼:「嗄……你兩條友係咩關係呀……」




-tbc-
24/12/2021


留言

    发表留言

    (编辑留言・删除時に必要)
    (只对管理员显示)



    最新文章